هل يدوم الإنطباع الأول؟؟؟

السلام عليكم ورحمة الله وبركاته

ازيكو جميعا اخباركم ايه؟
اتمنى ان الجميع يكونو بخير ان شاء الله
فى موضوع جه فى بالى كدة وحسيت انه مهم بالنسبة لناس كتير
وهو إنطباعنا الأول عن ناس بنتعرف عليهم لأول مرة...
دايما لما بنقابل أى حد لأول مرة بنكوّن عنه فكرة معينة مثلا: ( دمه خفيف - رخم - مغرور - ....)
وبعد مانتعامل مع الشخص ده نكتشف عكس كدة ونلاقيه انسان كويس وان انطباعنا الأول عنه كان غلط .
أكيد ده حصل مع كتير مننا
اللى عايزة أقوله من خلال موضوعى ده اننا مش المفروض اننا نحكم على الناس من غير ما نتعامل معاهم شخصيا
حتى لو مثلا سمعنا ان الشخص ده مش كويس منصدقش غير لما نتعامل معاه ( بحذر طبعا ) ونمر معاه بمواقف تثبتلنا انه فعلا كدة
منصدقش كلام اللى حوالينا وخلاص
أينعم أحيانا كتير إحساسنا بيكون صح فى حكمنا على الناس
بس فى أحيان أخرى بيكون إحساسنا غلط

احب اعرف رايكو فى الموضوع ده
ولو كان حد كوّن فكرة او انطباع معين عن شخص فى بداية معرفته بيه وبعد تعامله معاه انطباعه ده اتغير ياريت يحكيلنا

أتمنى الموضوع يعجبكو وتشاركو بآرائكم

سلامى للجميع