عمار يامصر

موضوع: عمار يامصر الثلاثاء يوليو 08, 2008 8:10 pm

انا عايش في السعوديه
تحديدا في الرياض
وتحديدا اكتر في حي الشفاء
يوم الاحد اللي فات
كنت واقف مع صاحبي اللي هو في نفس الوقت
جاري من 11 سنه
في سطح العماره الساعه 1ونص بليل
عمالين نرغي في حجات كتير و فجأه
سمعنا صوت عربيات جامد اوي
حطينا طوب ووقفنا نشوف الشارع
شوفنا اكتر من 60 عربيه
كل عربيه فيها على الاقل 4 شباب
بدون مبالغه
وكلهم طبعا مع بعض وفي سباق
وبما انه كان سباق
السرعه كانت فائقه
ملحوظه: الكلام دا كان في منطقه سكانيه فيها 3 اشارات
ولا عربيه من دول وقفت في الاشاره
الكلام دا عن اول مجموعه

شوفنا 4 عربيات تانين
بردو مع بعض ومحدش منهم وقف في الاشاره
بس دول مكنوش بيسبقوا
دول كانو بيعملوا خمسات (بيفحطوا)
الكلام دا عن تاني مجموعه

شوفنا حاولي 7 عربيات تانين
ناوين يخربوها بجد
ماشين عكس الاتجاه بمنتهى البرود
على الرغم ان كان في عربيات ماشيه في الاتجاه الصحيح
الكلام دا عن ثالث مجموعه

الكلام دا استمر من الساعه 1 ونص لحد 2 ونص
في الساعه دي شوفنا
كسر اشارات و سرعه فائقه في منطقه سكانيه و خمسات و مشي عكس الاتجاه
فكرت انا و صاحبي ان احنا نصورهم
بس طبعا دا في مشكله كبيره جدا لينا
وخصوصا لو كان حد منهم شافنا
ساعتها قلت كلمه واحده
((( عمار يامصر)))
ايه رايكم بقى؟؟؟